Monday, October 5, 2009

Aqaid-e-Ahle Sunnat

Question

Assalam-U-Alaikum Huzoor Huzoor 1 Suwaal Aur Hay Mayn Nay Perha Tha K Umme Haani Ka Ghar Ka'abah Sharif K Qareeba Tha. 1 Wahabi Ka Kehna Hay K Iss Hawalay Say Riwayaat Za'eef Hayn K Umm-E-Haani Ka Ghar Hateem Mayn Tha, Kyun Kay?

Sahih Bukhari Sharif , Kitaab Ansaar K Fazay'eel(58)

Key 1 Riwayat Hay Abbas Bin Malik Say, Malik Bin Sassa Kehtay Hayn Huzoor Nay Apni Mai'raaj Ka Waaqe'ah Bayan Farmaya "Jab Mayn Hateem Mayn Aaraam Farma Tha, Achanak Koi Meray Pass Aaya Aur Mujhay Yahan Say Yahan Tak Cheera". Huzoor Umme Haani K Ghar Say Mai'raj Key Riwayat Aur Yeh
Sahih Bukhari Sharif Key Riwayat Kon C Sahih Hay? Agar Donon Sahih Hayn Tou Tatbeeq Kiss Tarah Key Jaaye Gi? Kyun K Sahih Bukhari Sharif Key Riwayat Say Ma'aloom Hota Hay Huzoor Hateem Mayn Thay Lekin Umme Haani Radi Allahu Anha K Ghar Ka Zikr Nahin. Uss(Wahabi) Nay Saath He Yeh Bhi Likha Hay K Umme Haani Makkah Fath Honay K Ba'ad Musalmaan Huin Jab K Mai'raj Shareef Hijrat Say Pehlay Hui Thi . Huzoor Aap Chahayn Tou Mayn Link Bhi Day Doon Ga, Woh 1 Public Forum Hay, Um'meed Hay Meri Taraf Say Aap Ko Bad Gumaani Na Ho, Jazak Allahu Khairan Kaseera . Fi Aman Allah Assalam-U-Alaikum


Answer

Walikum AS Salam : Umme Hani Wali Riwayat Or Hateem Wali Riwayat Dono Sahi Hain Is Main Tatbeeq Ulma Or Muhadiseen Ne Yun Qayem Ki K Umme Hani Ka Makaan Hateem K Under Tha Lihaza Umme Hani Ke Makaan Main Hona Or Hateem K Under Hona Aik Hi Baat He , Umme Hani Choonkay Hazrat Ali Ki Bahan Thin Is Lye Huzoor Peace Be Upon Him Wahan Qayam Fermatey They.

Question

Assalam-U-Alaikum Huzoor Mai'raaj Sharif K Jismani Honay Per 1 Qadiyani K Ae'tiraazaat Hayn, Jawaab Irshaad Farmaeye?

1:  

Sahih Bukhari Sharif, Kitaab-Ut-Touheed(93)

Mayn 1 Hadees Sharik Bin Maalik Say Riwayat Hay Jiss Mayn Aakhir Mayn Likha Hay K "Aap Key Jab Aankh Khuli Tou Aap Masjid-E-Haraam Mayn Thay' Iss Per Qadiyani Ka Istadlaal Hay K Mai'raaj Sharif Jismaani Nahin Khuwaab Mayn Thi Ya'ani Roohani. Huzoor Iss Ka Aik Jawaab Bhi Dekha Mayn Nay, Peer Muhammad Karam Shah Al-Azhari Sahib Aleyh Rahmah Sahib-E-Tafseer Zia-Ul-Qura'an Nay Farmaya Hay K 'Sharik K Baaray Mayn Ulama Nay Farmaya Unn Ka Haafizah Kamzor Tha' Ab Suwaal Yeh Hay K Haafizah Kamzor Honay Say Kya Hadees Za'eef Hogi? Agar Hogi Tou Phir Za'eef Ahadees Bukhari Sharif Mayn Moujood Hayn? Doosra Yeh K Peer Sahib Nay Mazeed Yeh Likha Hay K Yeh Riwayat Doosray Raawiyon Say Bhi Marwi Hay Lekin Yeh Alfaaz Nahin Hayn Doosri Riwayaat Mayn, Jo K Ooper Mayn Nay Naql Keye.

2:

Doosra Istadlaal Uss Ka Sura'ah Najm Key Aayat #11 Say Hay K Jiss Ka Mafhoom Hay "Aur Dil Nay Na Jhutlaya Jo Dekha", Agar Cheh Yahan Dil Say Dekhnay Key Wazahat Nahin Lekin Uss K Iss Istadlaal Ka Radd K Say Kia Jaaye? Kya Sirf Itna Suboot Maangna K Saabit Kero Yahan Dil Say Dekhna Likha Hay Ya Matlab Hay, Kaafi Hoga? Jazak Allahu Khairan Kaseera . Fi Aman Allah Assalam-U-Alaikum 

Answer

Walikum As Salam : Jis Hadees Per Qadyani Eteraz Ker Rahay Hain Us Ka Hawala Bilkul Galat He Or Doosri Baat Is Hadees Se Meraj Nabi Ka Koi Taluq Nai Kyun K Khud Hazoor Peace Be Upon Him Ki Hadees Bukhari Shareef Main Darj He K Ap Umme Hani K Makaan Yani Hateem U Under Aram Ferma They Isi Tarah Siyaa Sattah Ki Kaye Ahadees Se Jismani Meraj Sabit He, Balkay Quran Majeed Se Jismani Meraj Sabit He.

Al-Quran :
 
"Paki He Is Se Jo Apnay Banday Ko Raton Raat Le Gaya Masjid E Haram Se Masjid E Aqsa Tuk Jis K Ird Gird Hum Ne Barkat Rakhi
( Soora Bani Israil , Ayat #1 Para 15)

Banda Jab Banta He Jab Rooh Or Jism Ikathaay Hon Quran Main Lafz Abda Ferma Kar Sarey Eteraz Rad Ker Dye K Meraj Roohani Nai Balkay Rooh Or Jism K Sath Thi."

Question

Answer

Quran Majeed Main Shuhada Ki Hayat Ka Ziker He Shuhada Bhee Allah K Wali Shumar Hotay Hain.

Alquran :

"Jo Khuda Ki Rah Main Mare Jayen Unhain Murda Na Kaho Balkay Woh Zinda Hain Haan Umhain Khaber Nahi"

( Soora Baqara , Ayat 154 , Para 2 )

Olya Allah Ki Rooh Wisaal K Baad Dubara Un K Ijsaam Main Lota Di Jati He Is Se Mutaliq Ulmaa Islaam Ke Aqwaal Mulahiza Hain Imam Mulla Ali Qari "Shara Mashko" Main Likhtay Hain Olya Allah Ki Hayat Wo Amlyat Dono Halton Main Koi Aslan Faraq Nahi , Islye Kaha Gaya He K Woh Martay Hain Balkay Aik Ger Se Doosrey Gher Tashreef Le Jatay Hain Qari Sana Ullah Pani Pti Apni Kitab Tazkara Almota Main Likhtay Hain Olya Allah Ka Farman He K Hamari Roohain Hamarey Jisam Main Hain In Ki Arwaah Jismon Ka Kaam Dya Karti Hain Imam Abi Dunya Ne Malik Se Riwayat Ki He K Olya Allah Ki Arwah Wisaal K Baad Jahan Chahti Hain Sair Karti Hain Haq Tala In K Jismo Ko Roohon Ki Quwat Ata Fermata He To Woh Qabron Main Namaz Ata Kertey Hain Or Quran Parhtay Hain "Kitaab Tazkaralmota , Fatawa Rizwiya"

Question

Answer

Gherallah Ko Allah Tala Ki Sifaat Ka Mazhar Jaan Ker Un Se Madad Mangna Najayez He , Quraan Majeed Main Kayee Maqamaat Per Anbyaa Kiram , Hazoor Peace Be Upon Him , Hazrat Jibreel , Malaika Or Olya Allah Ko Madadgaar Qarar Dya Gaya He.

Al-Quran :

"Beshak Allah Un Ka Madadgaar He Or Naik Iman Walay Or Is K Baad Farishtay Madad Per Hein"

( Soorah Marium , Ayat 4 , Para 28)

Al-Quran :

"Tumharey Madadgaar Nai Magar Allah Or Us Ka Rasool Or Iman Walay"

( Soorah Maida ,Ayat 55 , Para 6) 

Al-Quran :

"Aye Iman Walo ! Sabar Or Namaz Se Madad Chaho ( Soorah Baqra , Ayat 153 , Para 2 )"

Al Quran :

"Or Tumharey Pas Se Koi Himayati De Or Tumhain Apnay Pas Se Koi Madadgar De De".

( Soorah Nisa , Para 5 , Ayat 75) 

Riwayat :

"Hazrat Khalid Bin Waleed Ka Muqabla Jab Maslima Kazab Ki 60000 Afwaj Se Huwa To Us Waqt Musalman Kam Tadaad Main They Lihaza Musalmano Kay Qadam Ukharh Gaye Or Hazrat Khalid Bin Waleed Or Sahaba Karam Ne Nida Di " Ya Muhammada ( Aye Muhammad Peace Be Upon Him) Hamari Madad Fermayen " Ye Nida Dini Thi K Musalmano Ko Fatah Wa Nusrat Ata Huwe"

(Albidaya Wannihaaya , Page 364 , Jild 6 , Ibn E Aseer , Jild 3 , Tibri , Jild 3 , Page 250)

Maloom Huwa Ke Gher Allah Se Madad Mangna Jayez He , "Wahdatul Wajood Se Murad Rab Tala Ki Wahdanyat Or Us Ka Her Jaga Shahid Wa Mojood Hona He Ye Bohot Lambi Bahas He Jis K Lye Aap Ulmaa Ahlesunnat Ki Kitab Ka Mutala Karen "

Question

Answer

Saudi Apnay Ap Ko Hanbli Kahtay Hain Or Ye Tamam Log Firqa Wahabya Key Mojid Muhammad Abdul Wahab Najdi Key Perokar Hain Or Muhammad Bin Abdul Wahab Najdi Gumrah Or Be Din Tha , Us Key Nazdeek Hazoor Peace Be Upon Him Ki Tazeem Shirk , Milad Pak Ka Iniqaad Shirk , Mazaraat Per Hazri Shirk , Tamam Ahlesunnat Mushrik , Hazoor Peace Be Upon Him Ka Mazar Barha But Wagera Wagera Or Kayee Batil Nazryaat Ka Hamil Tha , Jo Is Ka Aqeeda Tha Wohi Aaj Saudi Al Maroof Wahab Najdyon Ka Hey

Question

Answer

Walikum Salam : Orton Ka Media Per Ana Mana He , Orat Se Matlab Chupanay Ki Cheez Lihaza Orat Ka Ghur Hi Main Rahay Or Apnay Bachon Ki Sahi Terbeat Kerna Lazmi He.

Hadees :

Huzoor Peace Be Upon Him Ne Irshad Fermaya -"Tum Main Se Jo Orat Apnay Gher Main Bethey Gi Usay Mujahideen Feesabeelillah Ka Darja Milega"
(Rooh Al Mani Ziaul Quran)

Jab Orat Tv Per Ati He To Usay Her Gher Mahram Mard Us Ko Dekhta He Or Sunta He. 


Hadees :

"Aik Din Hazoor Peace Be Upon Him Ne Apni Shahzadi Syeda Fatima Se Poocha Beti Bata K Orat K Lye Kya Bahter He : To Syeda Fatima Ne Arz Kya - Orat K Lye Ye Bahter He K Na Beganay Mard Ko Orat Dekhey Na Orat Ko Gher Mahram Mard Dekhey , Ye Sun Ker Barhey Khush Huwe Or Tahseen Fermay"

( Ahya Ul Uloom)

14 Sadee K Mujaddid Imaam Ahmed Raza Khaan Fermatay Hain K Orat Ki Awaz Bhee Orat He Usay Gher Mahram Mard Na Sunay , Orat Ki Awaz Char Deewari Se Bahar Nai Jani Chahye Algharz K Orat Bila Zarooret Ghur Se Na Niklay Or Tableeghey Deen Ka Kaam Ye Orton K Lye Nai He Ye Mard Ulma Ka Kaam He Lihaza Orat Tv Per Na Aye.

Question

Answer

Walikum AS Salam Sab Se Pahlay Wali Baat Ye He K Huzoor Peace Be Upn Him K Irshad K Mutabiq Ap Ko Ghustakho Ki Sohbat Se Bachnay Ka Hukum He Jo Dost Hazoor Peace Be Upon Him Ki Shan Main Bakwas Karen Ya Aqaid Ahlesunnat K Khilaf Baat Karen To Esey Doston Ki Sohbat Se Tanhai Achi He , Momin Woh He Jo Apni Jaan , Maal Olad Hatta K Doston Se Bhee Zyada Apnay Mahboob Peace Be Upon Him Se Muhabbat Kare Or Bad Mazhab Jahil Log Hain Un K Sawalat K Jawabaat Nai Deney Chahyen.

Question:

Kya qabar ko pukhta karna jaiz hey? Hazrat jabir radi allah anhu ne farmaya k allah kay rasool salllaho alehay wasalam ne qabro ko pukhta kernay aur usper mujawar ban ker bethney or usper imarat tameer kernay se manaa farmaya hey(sahi muslim kitabul janaez hadith no 970)

Answer:


Buzurgoon Ki Kabroon Ko Pukhta Karnay Main Harj Nahi Hey. Iska Saboot Mandarja Bala Ayat Say Milta Hey Quran

Majeed Nay Ashabe-E-Khaf Ka Kisa Bayan Farmtay Howay Kaha.

Al Quran:

"Woh Bolay Is Kam Main Galib Rahay Tu In Ashab-E-Khaf Par Masjid Banaye Gay".


(Surah Kahaf Ayat 21 Para 15)

Taseer-E-Rohal Bayan Main Allama Ismail Haki Alehay Rehma Nay Is Ayat Ki Tafseer Main Farmay.

Inhonay Kaha Ashabe Kahaf Par Aisi Dewar Banao Jo In Ki Kabar Ko Gheray Aur Inkay Mazarat Kay Janay Par Mehfooz

Ho Jaway Jaisay Kay Huzoor Sallall Laho Alehay Wasalam Ki Kabar Sharif Char Dewar Say Gheer Di Gaye Hey Magar

Yeah Baat Manzoor Na Howi Tab Masjid Banaye Gaye.

"Masjid"

Ki Tafseer Main Tafseer Rohal Bayan Main Hey Kay

"Log Is Main Namaz Parhain Aur In Say Barkat Lain"

Quran Majeed Nay In Dunoon Batoon Ka Zikar Farmaya Ek To Ashabe Kahaf Kay Gird Kuba Aur Makbara Bananay Ka

Mashwara Karna Dusra In Kay Kareeb Masjid Banana Is Waqt Bhi Jaiz Tha Aur Ab Bhi Jaiz Hey Agar Galat Hotay Tu

Quran Kabhi Is Ka Hukum Nahin Daita Mazarat-E-Auliya Shahair Allah Aur Issay Barkatain Hasil Karna Aur Iski Tamir

Quran Say Sabit Hey.

Jahan Tak Hadith Sharif Ka Tauluk Hey To Woh Aam Admiyooon Kay Kabar Ko Pukhta Aur Paki Bananay Say Manah Kiya

Hey.

Zaroori Masla:

Agar Barish Main Dhans Janay Aur Kabar Khul Janay Ka Khadsah Ho To Hifazat Kay Liye Upar Say Paki
Karnay Main Koi Haraj Nahi.

Question:

Hadith La tajalo buyutakum quburan. wala tajalo qabri eidan. wa sallo allaiya fa inna salawatakum tuballaghani haisukumtum(mishkath page 86) URDU: apnay gharoon ko qabrain na banao aur meri qabar ko eid mela na banalaina. aur mujh per durood shareef parha karo kyun kay tum jaha say bhi durood parho woh muhya puhancha diya jat hey

Answer:



Apnay Gharoon Ko Kabrasta Na Banao Say Murad Yeah Hey Kay Apnay Gharoon Main Bhi Ibadat Kiya Karo. Aur Mer Kabar Ko Eid Ki Tarhan Na Banalaina Say Murad Yeah Hey Kay Meir Kabar Par Eid Ki Tarhan Saal Main Sirf 


1 Ya 2 Martaba Anay Ki Koshish Na Karna Balkay Aksar Aur Baishtar Atay Rehana Kyon Kay Makhlook Main Mujha Sya Barh Kar Tumhara Khair Kuwah Koon Hey. Meray Pass Atay Rahogay Tu Tumhar Shikasta Aur Gamgheen Diloon Ko Mussaraat Aur Shadmani Ki Dulat Milti Raheygi. Naiz Meri Kabar Ko Eid Ki Tarhaan Izhar-E-Mussarrat Ki Jaga Na Bana Liana Kyunkay Main Jis Jaga Jalwa Afroze Hota Hoon Woh Tamasha Gah Nahi Hey Balkay Arsh-E-Astaan Aur Kibla-E-Deen Wah Emaan Ban Jatihey. Puri Kainaat Ki Nighaain Udhar Uthnay Lagti Hain Lihaza Meri Kabar Ko Eid Ki Tarhan Na Bana Laina.


Is Hadith Say Kahin Say Bhi Yeah Sabit Nahi Hota Kay Eid Milad Un Nabi Sallal Laho Alehay Waslam Ko Eid Kaha Jaye Balkay Juma Kay Din Ko Hadith Main Eid Say Bhi Afzal Karar Diya.


Hadith Sharif:


Huzoor Sallal Laho Alehay Waslam Nay Irshaad Farmaya;


"Juma Tamam Ayaam Ka Sardar Aur Allah Kay Nazdeek Tamaam Ayam Say Ziyada Sharf Wah Madaah Ka Hamil Hey Iska Darja Allah Kay Nazdeek Eid Ul Fitaar Aur Eid Ul Azha Say Barh Kar Hey. Is Main 5 Batain Khas Yeah Hain Allah Talah Nay Adam Alehay Salam Ko Wafaat Di Isi Din Allah Tallah Nay Hazrat Adam Alehay Salam Koi Zameen Par Utara. Usi Din Main Ek Ghari Hey Kay Is Waqat Main Banda Allah Say Jo Bhi Mangta Hey Allah Isay Ata Farmata Hey Bashart Yeah Kay Haram Ka Sawal Na Ho Aur Is Rooz Qayamat Kaim Hogi, Har Magrib Farishta Zameen Wah Asmaan Hawain Pahaar Aur Darriya Yeah Sab Chezain Qayamat Kay Kuhoofsay Jumay Ki Din Sara Seema Hoti Hain"


(Sunan-E-Ibne Maja Jild Awal Babe Fi Fazlil Juma Rakam Alhadith 1132 Page 313 Matbuah Fareed Book Lahore)


Faida:


Maloom Howa Jis Din Hazrat Adam Alehay Salam Ki Wiladaat  Wah Wafaat Ho Woh Din Eid Say Bhi Afazal Ho Tu Jis Din Sardar-E-Anbiya Janab Imam Ul Anbiya Sallal Laho Alehay Waslam Is Duniya Main Tashreef Laye Woh Din Eid Yah Eid Say Barh Kar Kyon Na Hoo. Yaad Rahay Ki Eid Ka Lugwi Means Khushi Wala Din Kay Hain Zarori Nahi Kay Sirf Eid Ul Fitar Ya Eid Ul Azha Hi Eid Kay Din Hain.


Question:

ASSALAM-U-ALAIKUM ALLAMA SAHAB HUZOOR ELM-E-GHEB, HAAZIR-O-NAAZIR waghera masay'eel say HUZOOR ALEYHIS SALATO WAS SALAM key FAZEELAT Saabit hoti hay. Agar koi shakhs yeh kahay k inn mayn say ba'az ka inkaar kyun k kufr nahin tou innhayn bayan kernay key kya zarurat ? tou uss shakhs ko kya jawaab diya jaaye? JAZAK ALLAHU KHAIRAN KASEERA. FI AMAN ALLAH ASSALAM-U-ALAIKUM.

Answer:



Janab-E-Rasool-E-Karim Sallal Laho Alehay Waslam Ki Shaan Main Jo Ahadith Mojuud Hain Un Tamam Par Hamar Emaan 


Hona Chaye Kyunkay Is Baat Par Ijma-E-Ummat Hey Kay Jo Shaks Quran Ka Inkaar Kary Woh Kafir Hey Aur Jo Hadith Ka 


Inkaar Karay Woh Gumrah Hey. Agar Koi Shaks Hadith Main Un Hadtih Ko Nahi Manta Tu Aisay Shaks Gumrah Hey Aur 


Dusri Baat Yeah  Bhi Maloom Howi Kay Jo Hadith Shan-E-Risaalat Maab Sallal Laho Alehay Waslam Main Hain Unka 


Unkar Yaqenaan Bugz-E-Rasool Sallal Laho Alehay Waslam Ki Waja Say Karega Warna Haqeqi Ummati Apnay Nabi 


Sallal Laho Alehay Waslam Ki Shaan Ka Inkar Nahi Balkay Unki Shaan Ko Maanta Hey Aur Shaan-E- Risaalat Sallal Laho 


Alehay Waslam Main Hadith Ka Parchar Karta Hey.





Question :


kia islam ny wajad ki kaifiat ejazat fermai hy thos subot sy jwab dain .kia sehaba ko be wajad hota tha hadith bain kerin shukeria ! is swal ka jwab apko nai at tum sary molvi farigh ho koi ilm twano.




Answer :


Wajad Kay Baray Main Imam Gazali Alehay Rehma Nay Apni Kitab Ahya Ul Uloom 2 Jild Main Farmtay Hain Kay Takaluf Say Wajad Tari Karna Uski Ek Kisaam Tu Mazmoom Hey Kay Jis Main Dekhaway Ka Irada Kiya Jaye. Jaiz Kisam Yeah Hey Kay Dekahwa Na Hoo Aur Sharifa Halaat Kay Chahnay Inkay Iktisaab Aur Husool Ka Hela Sazi Say Zariya Banaya Jaye.


Ab 2 Hadith Mulhiza Hoon:


Hadith:


"Rasool-E-Karim Sallal Laho Alehay Waslam Nay Jab Hazrat Jaffar Bin Abhi Talib Radi Allah Anhu Say Irshaad Farmay Kay Tum Surat Aur Seraat Main Meray Mushahiba Hoo Aur Ek Riwayat Main Yeah Irshaad Aya Hey Kay Jaffar Sab Logoon Say Surat Aur Seerat Main Meray Sath Sab Say Ziyada Mushahiba Hey (Yeah Sun Kar) Hazrat Jaffar Radi Allah Ek Paoon(Foot) Par Chalay Yani Means Rakas Kiya(Yani Aapko Wajad Agaya)


(Fatawa Kehriya Kitabul Karhita Wala Satahsaan)
(Darul Marfa Beroot Jild 2 Page 182)


Hadith:


"Rasool-E-Karim Sallal Laho Alehay Waslam Nay Hazrat Zaid Radi Allah Anhu Say Irshad Farmay Tum Hamary Mola Ho Tu Hazrat Zaid Radi Allah Anhu Khushi Aur Musarrat Say Wajad Main Agaye Is Toor Par Kay Ek Paoon Uthtatay Aur Dosray Par Nachtay"
(Alnihaya Ul Ibne Al Aseer Babul Hama Al Jaheem Tehat Lafaz "Jahal" Al Maktaba Al Islamiya 346/1)


Riya Kari Na Ho Niyaat Khalis Ho Tu Wajad Karnay,Johmnay Aur Larkharanay Main Koi Mufahika Nahi. Iski Tafseel Parhni Ho Tu Fatawa Rizwiya Jadeed 22 Jild Page No 555 Par Mulahiza Farmain.




Question:


Assalam-U-Alaikum Huzoor Irshaad Farmayen, Kya Yeh Hadees Muztarib Hay? Kyun K Issi Tarah Key Taqreeban 3/4 Ahadees Hayn, Hawalah Aakhir Mayn Darj Hay . Mayn Iss Hadees Ko Sunni Aqeedah Saabit Kernay K Leye Sms K Tour Per Send Kerna Chaah Raha Hoon, Tou Agar Iss Key Sehat Per Koi Kalaam Nahin Ho Sakta Tou Irshaad Farmayen, Jazak Allah. "Sahabi Ka Huzoor Key Panaah Talab Kerna: Hazrat Abu Mas'ud Radi Allahu Anhu Bayan Karte Hayn K Woh Apne Ghulam Ko Maar Rahe Thay, Ghulam Ne Kaha "Allah Ki Panaah", Woh Aur Maarne Lage, Uss Ne Kaha "Rasool Key Panaah" Tou Unnhon Ne Uss Ko Chour Diya. Rasool Ullah Sal Lallahu Alayhe Wasallam Ne Farmaya "Ba Khuda! Allah Ta'ala Tum Per Iss Say Ziyadah Qaadir Hay Jitna Tum Iss Per Qaadir Ho." Hazrat Abu Mas'ud Kehte Hayn K Phir Unnhoun Nay Uss Ko Aazaad Ker Diya. (Sahih Muslim, Kitaab-Ul-Aimaan, Baab: Ghulaamoun K Saath Bartaao) Iss Hadees Sharif Ka Mafhoom Bhi Sumjha Dayn K Ba'az Logon K Zehan Mayn Suwaal Peda Ho Sakta Hay K Sahabi Radi Allahu Anhu Nay "Allah Key Panaah" Per Na Choura Aur Huzoor Key Panaah Per Chour Diya, Aur Yeh K Unn Ghulam Ko Sahabi Likha Hay, Kya Yeh Sahih Hay? Jazak Allah.


Answer :


Kitab Ul Emaan Main Hamian Yeah Hadith Nahi Mili. Muslim Ki Jidl Aur Hadith No Dain. Takay Apko Jawab Diya Ja Sakay.


Question:

ASSALAM-U-ALAIKUM HUZOOR Irshaad farmaeye, ULAMA FARMATAY hayn k WASEELAH BARAY tak ponhchnay k leye isti'maal kia jata hay, BARAY ka nahin. Lekin SHAJRAY jo hotay hayn, UNN mayn dekha gaya hay k ALLAH ka WASTA diya gaya hota hay, kya WASTA aur WASEELAH alag cheezayn hayn? JAZAK ALLAH. FI AMAN ALLAH ASSALAM-U-ALAIKUM

Answer:

Waseela Aur Waasta Do(2) Alag Alag Cheezain Hain Kisi Baray Tak Pohnchnay Kay Lyay Waseela Paish Kya Jata Hai Aur Kisi Chotay Say Kam Karwany Kay Lyay Is Kay Baray Ka Waasta Dya Jata Hai Jis Say Wo Muhabaat Karta Hai Maslan Ya Allah Jala Jalalu Hu Hum Teray Habib Salalaho Aleh-E-Waslam Ka Waseela Teri Bargah Main Paish Katay Hain Hamari Falanh Dua Qabool Farma.(Is Dua May Baray Ki Bargah May Chotay Ka Waseela P[Aish Kya Gaya). Is Tarahn Rasool Karim Salalaho Aleh-E-Waslam Say Kuch Talab Karnay K Liye Un Kay Baray Means Khuda-E-Rehman Ka Waasta Dya Jata Hai K Ya Rasool Karim Salalaho Aleh-E-Waslam! Hum Par Reham Farmaeyay Khuda Tala K Wastay.



Question:

ASSALAM-U-ALAIKUM HUZOOR Irshaad farmayen, kya yeh HADEES SHARIF hay? "Sab say bara Jihaad kufr say larna nahin, balkeh apnay nafs say larna hay" ya yeh kissi ka qoul hay? JAZAK ALLAH.
Answer:

Jee Han Yay Hadith Hai K Sub Say Bara Jihad Nafs Kay Khilaf Hai Kyun Kay Kufr K Khilaf Jihad Kaafi Arsy Kay Baad Kya Jata Hai Magar Nafs Kay Khilaf Jihad Har Lamha Jaari Rehta Hai Kufr Say Lartay Howay Chan Ghanton May Admi Shaheed Ho Jata Hai Magr Nafs K Khilaf Lara'e Puri Zindagi Jaari Rehti Hai.